Айлыкты кечиктирген иш берүүчүгө кандай чара колдонулат?

Кыргыз Республикасынын Эмгек кодексинин 157-беренесине ылайык:

• Айлык акы айына кеминде бир жолу төлөнүшү керек.
• Так мөөнөттөр жамааттык келишимде же жергиликтүү нормативдик актыларда белгиленет.
• Эгерде төлөө күнү эс алуу же майрам күндөргө туш келсе, төлөм андан мурунку күнгө жылдырылат.
• Кызматкер жумуштан кеткен учурда бардык эсеп-кысап акыркы иш күнүндө жүргүзүлүшү керек. Кызматкер ошол күнү жок болсо, анын жазуу жүзүндөгү талабы боюнча кийинки күндөн кечиктирилбестен төлөнүшү зарыл.

• Айлык акыны жана башка төлөмдөрдү кечиктирсе:
  Жумуш берүүчү ар бир күнгө карыз суммасынын 0,15% өлчөмүндө компенсация төлөөгө милдеттүү.
• Кызматкерди иштен бошоткондо төлөмдү кечиктирсе:
  Бул учурда компенсация күнүнө 0,5%га чейин көбөйтүлөт.

• Кызматкердин жазуу жүзүндөгү талабы коюлганга чейинки аралык үчүн компенсациянын жалпы суммасы карыз суммасынан 200% ашпоого тийиш.
• Жазуу жүзүндөгү талап берилип, бирок иш берүүчү айлыкты дагы деле кечиктирип жатса, анда ал эсеп-кысапты толук жапканга чейин чектөөсүз компенсацияны төлөп берүүгө милдеттүү.

Айлык акыны кечиктирген үчүн компенсациядан тышкары жумуш берүүчү төмөнкүдөй жоопкерчиликке тартылышы мүмкүн:

• • Административдик жоопкерчилик:
    Эмгек мыйзамын бузганы үчүн айып пул.
  • Материалдык жана моралдык жоопкерчилик:
    Айлыгы кечиккен үчүн кызматкер тарткан чыгымдарды жана моралдык зыянды төлөө.
  • Жазык жоопкерчилиги:
    Айлыкты системалуу түрдө кечиктирсе же кызматкерлердин укуктарын олуттуу түрдө бузганда колдонулат. 

• Алгач жетекчилигине кайрылып, айлык акыны төлөө боюнча жазуу жүзүндө талап коюш керек. 
• Койгон талабынан жыйынтык болбосо, эмгек мыйзамдарын көзөмөлдөө кызматына арыз менен кайрылса болот.
• Сотко кайрылып, айлыгын жана айлыкты кечиктирген үчүн моралдык зыянды өндүрүү талабын кое алат.