- арыз ээсинин паспорту;
- баланын/балдардын туулгандыгы тууралуу маалыматы/күбөлүгү;
- жашаган жери боюнча маалыматтар (эмгек акысына жана башка социалдык төлөмдөргө кошумча коэффициенттер белгиленген калктуу конуштарда жашагандар үчүн гана);
- майыптыгын тастыктаган МСЭКтин корутундусу.
- Электрондук кызмат көрсөтүүлөрдүн мамлекеттик порталы аркылуу – https://portal.tunduk.kg/
Бул кызматтан ден соолугунан мүмкүнчүлүгү чектелген балдардын ата-энелери гана пайдалана алышат.
Көңүл буруңуз: эгерде жаран баланын камкорчусу/көзөмөлчүсү же ишенимдүү адамы болсо, анда тиешелүү райондун аймактык бөлүмүнө жеке өзү кайрылып, нотариалдык жактан күбөлөндүрүлгөн ишеним катты же камкорчу/көзөмөлчү болуп дайындоо жөнүндө соттун чечимин бериши керек.
Электрондук кызматты колдонуу үчүн:
- Электрондук кызмат көрсөтүүлөрдүн мамлекеттик порталына кирүү;
- Кызматтар каталогунан каалаган кызматты тандоо;
- Кызмат алууга табыштаманы тариздөө;
- Жеке кабинетте “алынган кызматтар” бөлүмүнөн өтүнмөңүздүн иштеп чыгуу статусун карасаңыз болот.
2. Эмгек, миграция жана социалдык камсыздоо министрлигинин жашаган жериңиздеги аймактык бөлүмүнө кайрылыңыз. Бөлүмдөрдүн даректерин шилтеме боюнча көрсө болот: https://mlsp.gov.kg/ru/spravochnik-mtsr/
Арыз берилгенден тарта 10 жумушчу күндүн ичинде чечим кабыл алынат.
Кандай чечим чыгышы мүмкүн:
- майыптык боюнча жөлөк пулду дайындоо;
- жөлөк пул дайындоодон баш тартуу, бул учурда баш тартуунун себептери жана даттануу жолдору боюнча түшүндүрмө берилет;
- кошумча документтерди суроо, сиз аларды 3 айдын ичинде тапшыра аласыз.
Банктар дем алыш жана майрам күндөрүн кошпогондо, ар бир айдын 10-күнүнөн тарта жөлөк пулду төлөй баштайт.
Майыптык боюнча жөлөк пулду дайындоодо үй-бүлөнүн кирешеси эске алынбайт. Анын өлчөмү мамлекеттин мүмкүнчүлүгүнө жана экономикага жараша каралып турат.
2024-жылга карата ден соолугунан мүмкүнчүлүгү чектелген балдар ай сайын 8000 сомдон жөлөк пул алышат.