Электрондук кызматтардын мамлекеттик порталынан же Милдеттүү медициналык камсыздандыруу фондунун сайтынан камсыздандыруу статусуңузду текшериңиз. Эгер камсыздандырылган болсоңуз, ОМС полисин сатып алуунун кажети жок.
1-кадам: Документтерди даярдаңыз
- паспорт же ID-карта;
- Эгерде сиз КРнын жараны болсоңуз, бирок 14 белгиден турган жеке идентификациялык номериңиз жок болсо, Мамлекеттик каттоо кызматына кайрылыңыз;
- Эгер чет өлкөлүк жаран же жарандыгы жок адам болсоңуз – паспорт, жашап турууга уруксат кагазы.
2-кадам: Документтерди сиз үчүн ыңгайлуу жол менен тапшырыңыз
- Электрондук кызмат көрсөтүүлөрдүн мамлекеттик порталы аркылуу – https://portal.tunduk.kg/
- Шилтемеге кириңиз;
- “Ден соолук” бөлүмүнө өтүңүз;
- “ОМС полисин сатып алуу” шилтемесин басыңыз;
- “Ырастоо” баскычын басыңыз;
- Төлөө ыкмасын тандаңыз (мобилдик банкинг, мобилдик капчыктар ж. б. аркылуу);
- “Төлөө” баскычын басыңыз;
- “Төлөм ийгиликтүү жүргүзүлдү” деген билдирүүнү жана ОМС полисинин каттоо номерин алыңыз.
ОМС полиси каттоодон 5 күн өткөндөн кийин иштей баштайт.
2. Милдеттүү медициналык камсыздоо фондунун аймактык башкармалыгына же жашаган (катталган) жериңиз боюнча үй-бүлөлүк медициналык борборуна жеке өзүңүз кайрылыңыз. ОМС полисин сатып алууга арызды толтуруңуз.
3-кадам: ОМС полисине акча төлөңүз
Төмөндөгү жолдордун бири аркылуу төлөм жүргүзө аласыз:
- банк,
- Милдеттүү медициналык камсыздоо фондунун аймактык башкармалыгы,
- интернет-банкинг аркылуу,
- мобилдик банкинг аркылуу,
- электрондук капчык аркылуу.
Төлөө квитанциясын алыңыз.
ОМС полиси (2024) канча турат?
Кыргыз Республикасынын жарандары үчүн – 1 840 сом.
Чет өлкөлүк жарандар үчүн:
- 6 айга – 5 955 сом,
- 12 айга – 11 910 сом.