Эч кандай документи жок адам кантип паспорт ала алат?

СССР жарандыгында болгон адамдар:

• 1974-жылкы үлгүдөгү паспортко ээ жана Кыргыз Республикасында каттоого алынган.
• Башка мамлекеттин жарандыгына тиешелүүлүгү тууралуу арыз берген эмес.

СССР паспортун жоготкон адамдар:

• Кыргыз Республикасында туруктуу же убактылуу каттоого алынган.
• Жеке инсандыгын аныктагандан кийин жарандыгы боюнча тыянак чыгарылат.

Өз убагында паспорт албаган адамдар:

• “Кыргыз Республикасынын жарандыгы жөнүндө” мыйзамына туура келбегендер. 
• Ата-энесиз, туугандарынын же тааныштарынын камкордугунда чоңойгон.

СССР паспортунда КМШнын жарандыгы тууралуу белгиси бар адамдар:

• Тиешелүү мамлекеттин улуттук паспорту менен документтештирилген эмес.
• Жарактуу документтин жоктугу боюнча түшүндүрмө каты менен кайрыла алышат.

Мөөнөтү өтүп кеткен паспорттору бар адамдар:

• Кыргызстанда беш жылдан ашык жашайт.
• Документти алмаштырууга мүмкүнчүлүгү жок.

1994-жылкы үлгүдөгү паспорту бар же жоготкон адамдар:

• Буга чейин берилген паспортко №1 же №2 формалары жок.

Убактылуу инсандык күбөлүгү бар адамдар:

• • Документ 2 жылдык мөөнөткө жарактуу болгон.

• Эгерде сиз Кыргызстанда жашасаңыз, арызды жашаган жериңиз боюнча калкты каттоо департаментинин аймактар аралык бөлүмүнө же Калкты тейлөө борборуна арыз бересиз.
• Эгерде чет өлкөдө жүрсөңүз, Кыргыз Республикасынын консулдук мекемесине кайрылыңыз.

1. Талапкердин инсандыгын тастыктаган документтер (паспорт же туулгандыгы тууралуу күбөлүк). 
2. Толук өмүр баян. 
3. Ак түстөгү фонго тартылган 4×6 см өлчөмүндөгү эки сүрөт.
4.  Кыргыз Республикасында туруктуу жашаганын тастыктоо үчүн төмөнкү документтердин бири:

• Каттоосу бар паспорт.
• Жашаган жеринен алынган маалымкат.
• Окуган, иштеген жеринен алынган маалымкат.
• Кварталдын, үй комитетинин же айыл башчысынын милициянын участкалык инспектору жана арыз ээсинин үч кошунасы катышкан актысы.
• Үй-бүлөлүк мамилелерди тастыктаган документ (никеге туруу же бузуу тууралуу күбөлүк).

Арыз электрондук система аркылуу кызматкер тарабынан толтурулат 

1. Талапкерди идентификациялоо:
   • Жеке идентификациялык номерди (ЖИН) текшерүү.
   • Эгерде ЖИН жок же бир нече ЖИН аныкталса, кызматкерлер жеке номурду берүү же оңдоо боюнча өтүнүч түзүшөт.
2. Документтерди текшерүү жана кабыл алуу:
   • Кызматкер бардык документтердин мыйзамга ылайыктыгын текшерет.
   • Зарыл документтер жок болсо, арыз ээсине түшүндүрмө берилет жана аларды 10 жумуш күнү ичинде алып келүү талап кылынат.
   • Жасалма документтер табылса, акт түзүлүп, улуттук коопсуздук органдарына маалымат берилет.

1. Жарандыкты аныктоо боюнча комиссия:
   • Документтерди карап чыгып, жарандыкка тиешелүүлүгүн аныктайт.
   • Керек болгон учурда тиешелүү органдарга, анын ичинде чет өлкөлөргө суроо-талап жөнөтөт.
2. Кароонун мөөнөттөрү:
   • 30 календарлык күндөн ашпайт.
   • Эгерде башка өлкөлөрдөн маалымат алуу талап кылынса, мөөнөт 6 айга чейин узартылышы мүмкүн.

1. Оң чечим кабыл алынган учурда:
   • Кыргыз Республикасынын жарандыгына тиешелүүлүк тууралуу маалымкат берилет.
   • Эми жаран паспорт алса болот. 
2. Терс чечим кабыл алынган учурда:
   • Баш тартууга эмне негиз болгонун түшүндүргөн кат берилет.
   • Жаңы жагдайлар пайда болсо, бир жылдан кийин кайрадан кайрылууга болот.