Logo ur
Сайт Кыргыз Республикасынын Юстиция Министрлигине караштуу Юридикалык жардам кызматы тарабынан башкарылат

Никени токтотуунун тартиби кандай?

ID830
Көрүүлөр: 92
Актуалдуу: 11-04-2024
QR Code

Керектүү документтерди чогултуу:

  • Жубайлардын экөөсүнүн тең колу коюлган ажырашуу жөнүндө арыз.
  • Жубайлардын экөөсүнүн тең паспорттору.
  • Нике күбөлүгү.
  • Мамлекеттик алым төлөнгөндүгү тууралуу квитанция.

Документтерди ЗАГСка тапшыруу:

Документтер никени каттаган же жубайлардын биринин жашаган жери боюнча ЗАГС органына берилет.

Дайындалган күндү күтүү:

Документтер берилгенден кийин ЗАГС никенин бузулушун каттоо күнүн белгилейт, ал арыз берилген учурдан бир айдан кем эмес убакытта болот.

Никенин бузулушун каттоо:

Белгиленген күнү жубайлар никенин бузулушун биротоло тариздөө үчүн ЗАГСка келиши керек. Андан кийин аларга никени бузуу жөнүндө күбөлүк берилет.

Көңүл буруңуз! Никени бузуу жөнүндө доо арыз үчүн мамлекеттик алым 1000 сомду, ал эми никени бузуу менен мүлктү бөлүштүрүү жөнүндө доо арыз үчүн доонун баасынын 1 пайызын түзөт.

Көңүл буруңуз! Аялы кош бойлуу кезинде жана ортодогу баласы төрөлгөндөн кийин бир жыл ичинде аялынын макулдугусуз күйөөсү ажырашуу жөнүндө иш козгоого укугу жок.

Доо арызды даярдоо:

Ажырашуу тууралуу доо арызды жазыңыз, анда ажырашууга түрткөн себептер келтирилет, ошондой эле мүлктү бөлүштүрүү, балага жана (эгер зарыл болсо) жубайга алимент өндүрүү талаптары көрсөтүлөт. 

Керектүү документтерди чогултуу:

  • Доо арызы.
  • Жубайлардын экөөсүнүн тең паспортторунун көчүрмөлөрү.
  • Нике күбөлүгү.
  • Ортодо балдар болсо, алардын туулгандыгы тууралуу күбөлүктөрү.
  • Жубайлардын кирешесин тастыктаган документтер.
  • Мамлекеттик алым төлөнгөндүгү жөнүндө квитанция.

Сотко документтерди берүү:

Документтер соттолуучунун жашаган жери боюнча райондук сотко берилет. 

Сот отурумдарына катышуу:

Сот алдын ала угуу күнүн, андан кийин негизги угууларды белгилейт. Жубайлар аргументтерин жана далилдерин көрсөтүү үчүн аларга катышуусу керек.

Жубайлардын бири никени бузууга каршы болсо, сот жубайларды жараштыруу чараларын көрүүгө укуктуу жана жубайларга жарашуу үчүн үч айдын чегинде мөөнөт дайындоо менен ишти териштирүүнү кийинкиге калтырууга укуктуу. Эгерде жубайларды жараштыруу боюнча чаралар натыйжасыз болуп калса жана жубайлар (алардын бири) никени бузууга талап койсо, никени бузуу жүргүзүлөт.

Соттун чечими:

Сот никени бузуу жөнүндө чечим чыгарат, ал апелляциялык даттануунун мөөнөтү аяктагандан кийин күчүнө кирет. Эгерде мыйзамда башка мөөнөттөр каралбаса, соттун чечимине апелляциялык даттануу сот чечим чыгаргандан кийин отуз күндүн ичинде берилиши мүмкүн. 

ЗАГСта никенин бузулушун каттоо:

Соттун чечими менен (ал мыйзамдуу күчүнө киргенден кийин) жубайлар никенин бузулушун каттоо үчүн ЗАГСка кайрылышат жана никенин бузулушу жөнүндө күбөлүк алышат.




    Окшош суроолор